Poetry

Poetry (3)

Monday, 01 July 2013 11:44

Akhiri Tis Azamane Ko

Written by
Akhiri Tis Azamane Ko
Ji To Chaha Tha Muskurane Ko

Yad Itni Bhi Sakht Jan To Nahin
Ik Gharaunda Raha Hai Dahane Ko

Sangrezon Main Dhal Gaye Ansu
Log Hansate Rahe Dikhane Ko

Zakhm-E-Nagma Bhi Lau To Deta Hai
Ik Diya Rah Gaya Jalane Ko

Jalane Vale To Jal Bujhe Akhir
Kaun Deta Khabar Zamane Ko

Kitne Majbur Ho Gaye Honge
Ankahi Bat Munh Pe Lane Ko

Khul Ke Hansana To Sab Ko Ata Hai
Log Tarasate Rahe Ik Bahane Ko

Reza Reza Bikhar Gaya Insan
Dil Ki Viraniyan Jatane Ko

Hasraton Ki Panahgahon Main
Kya Thikane Hain Sar Chhupane Ko

Hath Kanton Se Kar Liye Zakhmi
Phul Balon Main Ik Sajane Ko

As Ki Bat Ho Ki Sans ?Ada?
Ye Khilaune Hain Tut Jane Ko
Monday, 10 June 2013 09:22

Ab Koi Sodaa Koi Junoo.n Bhi Nahi

Written by
“Faraz” Ab Koi Sodaa Koi Junoo.n Bhi Nahi
Magar Qaraar Se Din Kat Rahay Hon Yun Bhi Nahi

Lab-o-Dehan Mila Guftuguu Ka Fun Bhi Mila
Magar Jo Dil Pe Guzarti Hai Keh Sakuun Bhi Nahi

Na Jaanay Kiun Meri Aankhain Barasnay Lagti Hain
Jo Sach Kahuun Tou Kuch Aisa Udaas Hun Bhi Nahi

Meri Zabaa.n Ki Luknat Se Badgumaa.n Na Ho
Jo TU Kahay Tou Tujhe Umer Bhar Miluun Bhi Nahi

Dukhon Ke Dhair Lagay Hain Ke Loog Baithay Hain
Is Diyaar Ka Mein Bhi Hun Aur Hun Bhi Nahi

“Faraz” Jaisay Diya Qurbat-e-Hawaa Chaahay
Wo Paas Aaye Tou Mumkin Hai Mein Rahuun Bhi Nahi
Monday, 10 June 2013 06:21

Rahe ga ishq tera khaak

Written by
Rahe ga ishq tera khaak mein mila ke mujhe,
Ke ibtidaa mein huye ranj intihaa ke mujhe,

Diye hain hijar mein dukh dard kis balaa ke mujhe,
Shab-e-firaaq ne maara litaa litaa ke mujhe,

Baghair maut ke kis tarah koi marta hai,
Mera raqeeb bhi roya galey laga ke mujhe,

Har ik shakhss ko haasil judaa hai kefiyat,
Jafaa ke lutf tujhe hain, mazey wafaa ke,

Ghazab ki aah meri, Daagh naam hai mera,
Tamaam sheher jalaao ge kya jalaa ke mujhe..