Friday, 28 June 2013 11:24

JAB YAR NE RAKHT E SAFAR BANDHA …

Written by
Jab yaar ne rakht E safar baandha kab zabt ka yaara us din tha
Har dard ne dil ko sehlaayaa!! kya haal hamaara us din tha

Jab khaab hui us ki aaNkhain jab dhund hua us ka chehraa
Har ashk sitaara us shab tha har zakhm angaara us din tha

Sab yaaroN ke hote sote - hum kis se gale mil kar rote
Kub galiyan apni galiyan thein kab shahr hamaara us din tha

Jab tujh se zara ghafil Thehre har yaad ne dil per dastak di
Jab lab pe tumhara nam na tha her dukh ne pukaara us din tha

Ek tum hi ‘Faraz’ na thay tanha! ab ke to bulaawa jab aaya
Ek bheeR lagi thi maqtal mein her dard ka mara us din tha
Wahshatein barhti gayiN hijr ke aazaar ke saath
Ab to hum baat bhi karte nahi Ghamkhaar ke saath

Hum ne ek umr basar ki hai Gham E yaar ke saath
‘Meer’ do din na jiye hijr ke aazaar ke saath

Ab to hum ghar se nikalte hain to hans dete haiN
Taaq par izzat E saadaat bhi dastaar ke saath

Is qadar khauf hai ab shahr ki galiyoN me K log
Chaap sunte haiN to lag jaate hain diiwaar ke saath

Aek to khaab liye phirte ho galiyoN galiyoN
Us pe takraar bhi karte ho khareedaar ke saath

Shahr ka shahr hi naaseh ho to kya kijiyega
Warna hum rind to bhiR jate hain do chaar ke saath

Hum ko us shahr mein taa’miir ka sauda hai jahaaN
Log me’maar ko chun dete haiN deewaar ke saath

Jo sharaf hum ko mila koocha E jaanaaN se ‘Faraz’
Sooye-maqtal bhi gaye haiN usi pindaar ke saath
Friday, 28 June 2013 11:12

SAB QAREENE USI DILDAAR KE RAKH DETE HAIN

Written by
Sab qareenay, usi dildaar ke, rakh dete haiN
Hum ghazal men bhi hunar yaar ke rakh dete haiN

Shayad ajayeN kabhi chashm e khariidar men hum
Jan O dil biich mein bazaar ke rakh dete haiN

Zikr e janaN mein yeh duniya ko kahaN le aaye
Log kyuN mas’alay bekaar ke rakh dete haiN

Zindagii teri amaanat hai magar kya kijiye
Log yeh bojh bhi thak haar ke rakh dete haiN

Hum to chahat men bhi ghalib ke muqallid hain ‘Faraz’
Jis pe marte haiN use maar ke rakh dete haiN
Friday, 28 June 2013 11:09

PHIR USI RAAH GUZAR PAR SHAYAD

Written by
Phir Usi Raah Guzar Par Shayad
Hum Kabhi Mil SakeiN Magar, Shayad

Jinke Hum Muntazar Rahe Unko
Mil gaye Aur Humsafar Shayad

Jaan Pahchaan Se Bhi Kya Hoga
Phir Bhi Ae Dost, Ghaur Kar Shayad

Ajnabeeyat ki Dhund Chhat Jaye
Chamak Utthe Teri Nazar Shayad

Zindagi Bhar Lahu Rulaayegi
Yaad-e-Yaaran-e-Bekhabar Shayad

Jo Bhi BichhRe Wo Kab Mile haiN ‘FARAZ’
Phir Bhi Tu Intezaar kar Shayad..!!!
Friday, 28 June 2013 11:04

ITNE BHI TO WOH KHAFAA NAHI THE

Written by
Itne bhi to woh khafaa nahi the
Jaise kabhi aashnaa nahi the

Maanaa K beham kahaan the aise
Per yuN bhi judaa judaa nahi the

Thi jitni Bisaat! ki parastish!
Tum bhi to koi khudaa nahi the

Had hoti hai tanz ki bhi aakhir
Hum tere nahi the, jaa nahi the

Kis kis se nibaahte rafaaqat
Hum log K bewafaa nahi the

Rukhsat hua woh to maine dekha
Phool utne bhi khush-numaa nahi the

The yuN to hum uski anjuman meiN
Koi hameiN dekhtaa, nahi the
Jab usko tha maan khud pe kya kya!

Tab hum bhi ‘Faraz’ kya nahi th
Friday, 28 June 2013 10:57

RATJAGE HON K BHARPOOR NEENDEIN

Written by
Ratjagay hoN K bhar poor neeNdein musalsal use dekhna
Wo jo aNkhoN mein hai aur aaNkhon se ojhal use dekhna

Is kaRi dhoop mein dil tapakte hain aur baam par woh nahi
Kal naye mausamoN mein jab aayeNge baadal use dekha

Wo jo khushbu bhi hai aur jugnu bhi hai aur aaNsu bhi hai
Jab hawa gunguaanyegi, naache ga jangal use dekhna

Jo hawaoN mein hai aur fezaoN mein hai aur duaoN mein hai
Koi phailaaye daaman, K lahraaye aaNchal use dekhna

Shairi mein bhi us jaan-e-jaaN ka saraapa samaata nahi

Aur aaNkhoN ki dereena khaahish!! mukammal use dekhna
Yeh bhi kya sochnaa hai K har waqt naadaaN use sochna

Yeh bhi kya dekhna hai K har samt paagal use dekhna
Shaam-e-wada sahi, dukh zeyada sahi, phir bhi dekho ‘Faraz’

Aaj shab uski furqat mein kah lo ghazal, kal use dekhna
Friday, 28 June 2013 10:49

Qurbat bhi nahi

Written by
Qurbat bhi nahi dil se utar bhi nahi jata
wo shakhs koi faisla kar bhi nahi jata

Dil ko teri chaahat pe bharosa bhi bahut hai
aur tujhse bichhaR janae ka dar bhi nahi jata

Aankhein hain ke khali nahi rehti hain Lahu se
aur zakhm-e-judaai hai ke bhar bhi nahi jata

Wo rahat-e-jaaN hai magar is dar badari mein
aisa hai ke ab dhyaan udhar bhi nahi jata

Hum dohri aziyyat ke gariftaar musafir
paaon bhi hain shull shauq-e-safar bhi nahi jata

Paagal huye jate ho Faraz us se mile kya
itni si khushi se koi mar bhi nahi jata

Friday, 28 June 2013 10:42

Suna hai log

Written by
Suna hai log use aankh bhar ke dekhte hain
so us ke shahar main kuch din Thahar ke dekhte hain

Suna hai rabt hai us ko Kharaab halon se
so apane aap ko barbaad karake dekhate hain

Suna hai dard ki gaahak hai chashm-e-naazuk us ki
so hum bhi us ki gali se guzar kar dekhate hain

Suna hai us ko bhi hai sher-o-shayari se shagaf
so hum bhi mojaze apane hunar ke dekhate hain

Suna hai bole to baatoun se phuul jhaartay hain
ye baat hai to chalo baat kar ke dekhate hain

Suna hai raat use chaand takataa rahataa hai
sitaare baam-e-falak se utar kar dekhate hain

Suna hai hashr hain us kii Gazaal si aankhein
Suna hai us ko hiran dasht bhar ke dekhate hain

Suna hai din ko use titaliyaan sataati hain

Suna hai raat ko jugnuu Thahar ke dekhate hain

Suna hai raat se barr kar hain kaakulein us ki
Suna hai shaam ko saaye guzar ke dekhate hain

Suna hai us ki siyaah chashmagi qayaamat hai
so us ko surmaafarosh aankh bhar ke dekhate hain

Suna hai us ke laboun se gulaab jalate hain
so ham bahaar par ilzaam dhar ke dekhate hain

Suna hai aainaa tamasaal hai jabiain us kaa
jo saadaa dil hain ban saanvar ke dekhate hain

Suna hai jab se hamaail hain us ki gardan main
mizaaj aur hi laal-o-gauhar ke dekhate hain

Suna hai chashm-e-tasawar se dasht-e-imkaan main
palang zaave us ki kamar ke dekhate hain

Suna hai us ke badan ke taraash aise hain
ke phuul apani qabaayen katar ke dekhate hain

vo sarv-qad hai magar be-gul-e-muraad nahain
ke us shajar pe shaguufe samar ke dekhate hain

bas ek nigaah se luTataa hai qaafilaa dil kaa
so rahain-ravaan-e-tamannaa bhi Dar ke dekhate hain

Suna hai us ke shabistaan se muttasil hai bahisht
makeen udhar ke bhi jalve idhar ke dekhate hain

ruke to gardishein us kaa tawaaf karati hain
chale to us ko zamaane Thahar ke dekhate hain

kise naseeb ke be-pairahan use dekhe
kabhi kabhi dar-o-diivaar ghar ke dekhate hain

kahaaniyaan hian sahi sab mubaalaGe hi sahi
agar wo Khvaab hai taabeer kar ke dekhate hain

ab us ke shahar main Thaharein ki kuuch kar jaayein
'Faraz' aao sitaare safar ke dekhate hain

Friday, 28 June 2013 10:38

Teri nigaah

Written by
Teri nigaah ke jaadoo bikharte jate hain
Jo zakham dil ko mille wo bharte jate hain

Tere bagair wo din bhi ghuzar gaye Aakhir
Tere bagair ye din bhi ghuzarte jate hain

Friday, 28 June 2013 09:36

Aashiqui be dili

Written by
Aashiqui be dili se mushkil hai
Phir mohabbat usi se mushkil hai

Ishq aagaaz hi se mushkil hai
Sabr karna abhi se mushkil hai

Hum Aasaan hain aur humare liye
Dushmani dosti se mushkil hai

Jis ko sab bewafa samajhate hon
Bewafaai usi se mushkil hai

Ek ko dusre se sahel na jaan
Har koi har kisi se mushkil hai

Tu bazid hai to jaa 'faraz' magar
Vaapasi us gali se mushkil hai