Error
  • JUser: :_load: Unable to load user with ID: 167
  • JUser: :_load: Unable to load user with ID: 181
Tuesday, 13 May 2014 11:45

Sarayy raah jo unsaay nazarr mili,

Written by
Sarayy raah jo unsaay nazarr mili,
To naksh dil kay ubharr gayay,
Hum nazarr mila kar jhijhag gayay,
Woh nazarr jhukaa kar chalay gayay ....

Sabnay pahnaa tha baday shaukk se kaagaz ka libaas,
Jis kadarr logg thay baarish me nahaanay walay,
Adal ke tum na humay aas dilaaoo,
Katl ho jatay hain, zanzeer hilanay walay …

Nuktaa chi hai gam e dil, key sunayaa na banay,
Kya baat banay wahan, jahan baat banyay na banay,
Ishq par zorr nahi hai yeh woh attissh Ghalib,
Jo lagaye na lagay bhujhaye na banay ...

Har eik baat pay kehtay ho tum key ‘toh kya hai’ ?
Tumhi kaho key ye andaaz-e-guftguu kya hai ?
Ragon may daudtay firnay kay ham nahi qayal,
Jab aankh hi say na tapkaa to firr lahoo kya hai ? -

Is qadarr tora hai mujhaay uss ke be-wafaai nay "ghalib"
Abb koi agarr pyar se bhi daikhaay to bikharr jata hoon mai ...

Kitnaa khouff hota hai shaam kay andheroon mein,
Poonch un parindoo say jin kay gharr nahi hotay ...

Hum toh fanaah ho gaye uskii ankhen dekh kar Ghalib,
Naa janay woh Aainaa kiasay dekhte hogey ...!

Unkay dekhnay say jo aa jaati hai muh par raunaqq,
Woh samajhatey hai ki bimaar ka haal achcha hai ...

Dil say terey nigaah jigarr tak utarr gaye,
Dono ko eik adaa mein razaamand karr gaye ...

Hathoon key lakiroon pay matt jaa ae Ghalib,
Naseeb unkay bhi hotay hain jinkaay haath nahi hotay ...

Kaiday-hayaat, banday-gham asal may dono eik hain,
Maut say pahlay aadmey gham say nigaat paye kyun ?

Matt poonch key kya haal hai mera tere pechhee,
Tu dekh key kya rangg hai tera meray aagay ...

Hazaroon khwaheeshen aise ki har khwahesh pay dum nikale,
Bahhut nikale meray armaan lekin phirr bhi kam nikale ...

Nazzaare nay bhe kaam kiya waan naqaabb ka,
Mastey say harr nigaah terey Rukhh par bikharr gaye ...

Jala hai jism jahan dil bhey jal gaya hoga,
Kuraydtay ho jo ab raakkh, justjoo kya hai ?
Tuesday, 25 February 2014 10:56

Maa

Written by

Maut ki aagosh mein jab thak key soo jattiii hain maa
Tab kahii jaakar sukoon thora sa paa jaati hain maaaa

Fikar mein bachoo ki kuch istarah ghul jaati hain maa
Nojawan hotey howey bhorii nazar aati hain maaa

Eik hi hasraat ko apney azm-o-istaqlal sey
Aansoo sey gusl dekar kudh hi dafnaati hain maa

Ourhtii hain gurbatoo kaa khud yeh boseeda kafan
Chahatoo ka perahan bachey ko pehnaatii hain maa

Bhooka rehnay hi nahi deti yateemoo ko kabhi
Jaaney kis kis sey kahan sey maang kar laati hain maa

Rooh key rishtey ki yeh gheraiyan tou dekhayey
Choot lagtii hain hamarey aur chilaatii hain maaa

Kab zarorat hoon meray bachey ko itnaa soch kar
Jaagti rehtii aaankhen aur soooo jaati hain maaa

Haadyoon ka ras pila kar apney dil key chain koo
Kitnii raatey mein tou khalii paet sojaati hain maaa

Jaaney kitnii barf si raatoo mein aisaa bhi howa
Bacha tou chatii pey hain gelay mein sojatii hain maa

Jab khiloney ko machaltaa hain koi gurbat ka phool
Aaansoo key saaz par bachey ko behlatii hain maaa

Fikar mein shamshan key aakhir chatanoo ki tarah
Jaisay sookhii lakriaa istraha jaal jaati hain maaa

Apnii aanchal sey gulabii aansoo ko poonch kar
Deir tak gurbat pey apnii askh barsatii hain maa

Samney bachoo key khush rehtii hain har ek haal mein
Raat ko chup chup kay lekin askh barsatii hain maaa

Pehley bachoo ko khilaatii hain sukoon-o-chain sey
Baad mein jo kuch bacha who shauq sey kahti hain maa

Mangtiii bhi nahi apney liyey allah sey
Apney bachoo key liyey daman ko phelatii hain maa

Janey anjaney mein hojayey jo bachey sey kasoor
Eik anjaani saza key dukh sey tarhaaati hain maa

Har ibadat har mohabbat mein nihah hain eik garz
Be garz be losss har khidmat ko kar jaati hain maa

Apney bachoo ki baharey zindagi key wastey
Aansooo key phoool har mosaaam mein barsatii hain maa

Bazooo mein kich key aaajaye gi kaisay qainat
Apney bachey key liyey bahoon ko pehlaatii hain maaa

Eik eik hamley sey bachey ko bachaney key liyey
Dhaaal bantii hain kabhi talwar ban jaati hain maaa

Pheley dil ko saaf karkey khoob apney khoon sey
Dharkanoo par kalmae-tauheed likh jaati hain maaa

Safha-e-hastii pey likhtii hain who usool-e-zindagi
Isi lyey ek maqtab-e-islam kehlatii hain maaa

Usney duniyaa ko diyey masoom rehbar islyey
Azmatoh mein saani-e-quran kehlatii hain maa

Jab perashanii mein ghir jaatey hain hum pardes mein
Aaansoo ko poochney khawaboo mein aajatii hain maa

Aisa lagta hain key jaisa aagaye firdoos mein
Daal kar bahey galey mein sar ko sehlatii hain maa

Agaya gar waqt muskhill apney dil key chain par
Qabr mein hotey howey bhi ashq barsatii hain maa

Baad mar jaaney key phir betay ki khidmat key liyey
Bhes betii ka badal kar ghar mein aaajati hain maaa

Door hojatii hain sari umr ki us dam thakan
Bihah karkey betay kaa jab ghar bahoo lati hain maa

Pheir letay hain nazar jis waqt betay aur bahoo
Ajnabi apney hi ghar mein haayey ban jaati hain maa

Allah allah bhool kar eik eik satam ko raat mein
Pootii pootey sey shikastaaa dil ko behlatii hain maa

Beta kitnaa hi bura hoon par padosan key huzoor
Rok kar jazbaat ko betay key gun gaati hain maa

Shadiyaan karkey jo bachey jaa basey pardes mein
Khat sey ya tasweer sey phir dil ko behlatiii hain maa

Apney seenay par rakhey hain qainat-e-zindaqiii
Yeh zameen is wastey hain dost kehlatii hain maa

Zindagani key safar mein gardishoo ki dhooob mein
Jaab koi saaya nahi miltaa tou yaad aaatii hain maa

Muflisi Bachey ki zid par jab utha letii hain haath
Jaisay mujrum ho koi istrhah sharmatii hain maa

Lot kar wapis safar sey jab bhi ghar aatey hain hum
Daal kar bhahey galey mein sar ko sehlatii hain maa

Dair hojatii hain ghar mein aaney mein aksar jab hamey
Rait par machlii ho jaisay aisay ghabratii hain maa

Mart-e-dam asaka bacha naa ghar par deir sey
Apni donoo kutliyay chokhat par rakh jaati hain maa

Apni pehloo mein lita kar aur totey ki tarah
Eik , bara paanch chodaa hum ko sikhlaati hain maa

Paar kehtey hain kissey aur mamta kia cheez hain
Koi un bachoo sey poochey jin mar jaati hain maa

Saaal bhar mein , ya kabhi , haftey mein jumaraat ko
Zindagi bhar ka silaa eik fatiha paa ti hain maaa

Martaba hoo maa ka zahir kis liyey firdoos sey
Apney bachoo key liyey poshaq mangwatii hain maa

Ghar sey jab pardes jaata hain koi noor-e-nazar
Hath mein quran lekar dar pey aajatii hain maa

Dekey bachey ko zamanat mein reza-e-paak ki
Peechay peechay sur jukhayey door tak jaati hain maa

Kaaptiii awaaz sey kehtii hain betaa alwidaaa
Samnaa jab tak rahey hathooo ko lehratii hain maa

Yaad aataa hain shab-e-aashoor ka karyal jawan
Jab kabhii uljhiii howi zulfoo ko suljhatii hain maa

Sub sey pehlay jaaan dena fatima(a.s) key laal par
Raat bhar aun-o-mohamed ko yeh samjhatii hain maa

Allah allah intehah dekh sabr-e- laila aur husain (a.s)
Baap ney khainchii sina , seeney ko sehlatii hain maa

Yeh bata saktii hain humko bus rubab(a.s)-e-khasta tan
Kis tarah bin doodh key bachay ko behlaati hain maaa

Shimr key kanjar sey yaa sookhey galey sey poochiyey
Maa idhar sey nikaltaa hain udhar aaati hain maaa

Jab talak hain yeh hath hain hamsheer be parda na hoon
Eik madar bawafa betay sey farmatii hain maaa

Aisa lagta hain kissi maqtal sey ab bhi waqt-e-asr
Ek buridaa sar sey zyada pyasaaa hoon sada aati hain maa

Nojawan beta agar dam tor dein aagosh mein
Zindaqii bhar sur ko diwaroo sey takraatii hain maa

Lash par betay key parhtii hain jawanii marsiaaa
Shukr ka sajda us aalim mein baja laati hain maa

Dei kar apney laal ko islam ki aaagosh mein
Guod khalii phir so-e-jaanat palat jaati hain maa

FATIMA (a.s) key laal par qurbaaan karney key liyey
Baandh kar sehra jawan betay ko samjhatii hain maa

Apney gam ko bhool kar rotey hain jo shabbir(a.s) ko
Unkey askhoo key liyey jaanat sey aajatii hain maaa

Saturday, 22 February 2014 13:57

jaur se baaz aaye par baaz aaye.n kyaa

Written by
jaur se baaz aaye par baaz aaye.n kyaa
kahate hai.n ham tum ko muu.Nh dikhalaaye.n kyaa

[jaur=opression]

raat din gardish me.n hai.n saat aasmaa.N
ho rahegaa kuchh na kuchh ghabaraaye.n kyaa

[gardish=misfortune]

laag ho to us ko ham samajhe.n lagaav
jab na ho kuchh bhii to dhokaa khaaye.N kyaa

[laag=love/affection]

ho liye kyo.n naamaabar ke saath-saath
yaa rab apane Khat ko ham pahuu.Nchaaye.n kyaa

[naamaabar=messanger]

mauj-e-Khuu.N sar se guzar hii kyo.n na jaaye
aastaan-e-yaar se uTh jaaye.n kyaa

[mauj=wave; aastaan=abode ]

umr bhar dekhaa kiye marane kii raah
mar gae par dekhiye dikhalaaye.n kyaa

puuchhate hai.n vo ki "Ghalib" kaun hai
koii batalaao ki ham batalaaye.n kyaa
Saturday, 22 February 2014 13:55

ishq taasiir se naumed nahii.n

Written by
ishq taasiir se naumed nahii.n
jaa.N supaarii shahjr-e-bed nahii.n

[taasiir=effect; naumed=naa + ummiid]

sultanat dast-ba-dast aaii hai
jaam-e-mai Khaatam-e-jamashed nahii.n

hai tajallii terii saamane vajuud
jaraa be paratave Khurshiid nahii.n

raaz-e-maashuuq na rusavaa ho jaaye
varnaa mar jaane me.n kuchh bhed nahii.n

gardish-e-rang-e-tarab se Dar hai
Gam-e-maharuumii-e-jaaved nahii.n

kahate hai.n jiite hai.n ummiid pe log
ham ko jiine kii bhii ummiid nahii.n
Saturday, 22 February 2014 13:51

ishq mujhako nahii.n vahashat hii sahii

Written by
ishq mujhako nahii.n vahashat hii sahii
merii vahashat terii shoharat hii sahii

[vahashat=solitude; shoharat=fame]

qataa kiije na ta'alluq ham se
kuchh nahii.n hai to adaavat hii sahii

[qataa=to break; ta'alluq=relation; adaavat=animosity]

mere hone me.n hai kyaa rusvaa_ii
ye vo majalis nahii.n Khalvat hii sahii

[majalis=assembly; Khalvat=isolation]

ham bhii dushman to nahii.n hai.n apane
Gair ko tujh se mohabbat hii sahii

apanii hastii hii se ho jo kuchh ho
aagahii gar nahii.n Gafalat hii sahii

[hastii=existence; aagahii=fore knowledge; Gafalat=negligence]

umr har cha.nd ke hai barq-e-Khiraam dil ke Khuu.N karane kii fursat hii sahii

[barq=lightning; Khiraam=manner of walking]

ham koii tarq-e-vafaa karate hai.n
na sahii ishq musiibat hii sahii

[tarq=relinquishment]

kuchh to de ai falak-e-na_i.nsaaf
aah-o-fariyaad kii ruKhasat hii sahii

[falak=sky]

ham bhii tasliim kii Khuu Daale.nge
beniyaazii terii aadat hii sahii

[tasliim=greeting/salution; Khuu=habit; beniyaazii=independence]

yaar se chhe.Daa chalii jaaye "Asad"
gar nahii.n vasl to hasarat hii sahii

[vasl=meeting; hasarat=desire ]
Saturday, 22 February 2014 06:40

ibn-e-mariyam huaa kare koii

Written by
ibn-e-mariyam huaa kare koii
mere dukh kii davaa kare koii

[ibn=son; mariyam=The Virgin Mary]

shuraa-o-aa_iin par madaar sahii
aise qaatil kaa kyaa kare koii

[shuraa=the Islamic divine code of life; aa_iin=law]
[madaar=circumference / place of turning ]

chaal jaise ka.Dii kamaa.N kaa tiir
dil me.n aise ke jaa kare koii

[jaa=space ]

baat par vaa.N zubaan kaTatii hai
vo kahe.n aur sunaa kare koii

bak rahaa huu.N junuu.N me.n kyaa kyaa kuchh
kuchh na samajhe Khudaa kare koii

[junuu.N=ecstasy]

na suno gar buraa kahe koii
na kaho gar buraa kare koii

rok lo gar Galat chale koii
baKhsh do gar Khata kare koii

[baKhsh=pardon, Khata=mistake]

kaun hai jo nahii.n hai haajatama.nd
kisakii haajat ravaa kare koii

[haajatama.nd=person in need; haajat=need; ravaa=fulfill]

kyaa kiyaa Khijr ne sika.ndar se
ab kise rahanumaa kare koii

jab tavaqqo hii uTh gayii "Ghalib"
kyo.n kisii kaa gilaa kare koii

[tavaqqo=expectations; gilaa=complaint]
Saturday, 22 February 2014 06:37

husn Gamze kii kashaakash se chhuTaa mere baad

Written by
husn Gamze kii kashaakash se chhuTaa mere baad
baare aaraam se hai ahl-e-jafaa mere baad

ma.nsab-e-shefatagii ke koii qaabil na rahaa
huii ma_azuulii-e-a.ndaaz-o-adaa mere baad

shama bujhatii hai to us me.n se dhuaa.N uThataa hai
sholaa-e-ishq siyahaposh huaa mere baad

Khuu.N hai dil Khaak me.n ahavaal-e-butaa.N par, yaanii
unake naaKhun hue mohataaj-e-hinaa mere baad

daraKhur-e-arz nahii.n jauhar-e-bedaad ko jaa
nigah-e-naaz hai surme se Khafaa mere baad

hai junuu.N ahl-e-junuu.N ke liye aaGosh-e-vidaa
chaaq hotaa hai garebaa.N se judaa mere baad

kaun hotaa hai hariif-e-mai-e-mard-afgan-e-ishq
hai mukarrar lab-e-saaqii pe salaa mere baad

Gam se marataa huu.N ke itanaa nahii.n duniyaa me.n koii
ke kare ta_aziiyat-e-mehar-o-vafaa mere baad

aaye hai bekasi-e-ishq pe ronaa 'Ghalib'
kisake ghar jaayegaa sailaab-e-balaa mere baad
Saturday, 22 February 2014 06:31

husn-e-maah garche baa_ha.ngaam-e-kamaal achchhaa hai

Written by
husn-e-maah garche baa_ha.ngaam-e-kamaal achchhaa hai
us se meraa maah-e-Khurshiid-e-jamaal achchhaa hai

[maah=muun; Khurshiid=sun; jamaal=beauty]

bosaa dete nahii.n aur dil pe hai har lahajaa nigaah
jii me.n kahate hai.n muft aaye to maal achchhaa hai

[bosaa=kiss]

aur baazaar se le aaye.n agar TuuT gayaa
saaGar-e-jam se meraa jaam-e-sifaal achchaa hai

[saaGar-e-jam=Jamshed's cup, jaam-e-sifaal=clay cup]

betalab de.n to mazaa usame.n sivaa mialtaa hai
vo gadaa jisako na ho Khuu-e-savaal achchhaa hai

[betalab=without asking; gadaa=beggar; Khuu=habit]

unake dekhe se jo aa jaatii hai muu.Nh par raunaq
vo samajhate hai.n ki biimaar kaa haal achchhaa hai

dekhiye paate hai.n ushshaaq buto.n se kyaa faiz
ik birahaman ne kahaa hai ki ye saal achchhaa hai

[ushshaaq=lovers; faiz=blessing]

ham_suKhan teshe ne farahaad ko shiirii.n se kiyaa
jis tarah kaa bhii kisii me.n ho kamaal achchhaa hai

[tesha=axe ]

qataraa dariyaa me.n jo mil jaaye to dariyaa ho jaaye
kaam achchaa hai vo jisakaa ma'aal achchhaa hai

[ma'aal=result]

Khijr sulataan ko rakhe Khaaliq-e-akbar sar_sabz
shaah ke baaG me.n ye taazaa nihaal achchha hai

[Khijr sulataan=one of Badshah Zafar's son; Khaaliq=God]
[akbar=greatest; sar_sabz=fertile; nihaal=tree]

hamako maaluum hai jannat kii haqiiqat lekin
dil ke Khush rakhane ko Ghalib ye Khayaal achchha hai
Saturday, 22 February 2014 06:26

hu_ii taaKhiir to kuchh baa_is-e-taaKhiir bhii thaa

Written by
hu_ii taaKhiir to kuchh baa_is-e-taaKhiir bhii thaa
aap aate the magar ko_ii inaa.Ngiir na thaa

[inaa.Ngiir=one who holds the reins of a horse]

tum se bejaa hai mujhe apanii tabaahii kaa gilaa
us me.n kuchh shaa_ib-e-Khuubii-e-taqadiir bhii thaa

[bejaa=without reason; shaa_ib=hint(of)]

tuu mujhe bhuul gayaa ho to pataa batalaa duu.N
kabhii fitaraak me.n tere ko_ii naKhchiir bhii thaa

[fitaraak=hunter's bag; naKhchiir=captured prey]

qaid me.n hai tere vahashii ko vahii zulf kii yaad
haa.N kuchh ek ra.nj-e-Garaa.Nbaari-e-za.njiir bhii thaa

[vahashii=mad; ra.nj-e-garaa.Nbaari-e-za.njiir=pain due to the weight of the chains]

bijalii kau.nd ga_ii aa.Nkho.n ke aage, to kyaa
baat karate, ke mai.n lab tashnaa-e-taqariir bhii thaa

[lab tashnaa-e-taqariir=the voice of thirsty lips]

yusuf us ko kahuu.N aur kuchh na kahe, Khair hu_ii
gar biga.G baiThe to mai.n laayaq-e-ta'ziir bhii thaa

[laayaaq-e-ta'ziir=deserving of punishment]

dekh kar Gair ko kyuu.N ho na kalejaa Tha.nDaa
naalaa karataa thaa vale taalib-e-taasiir bhii thaa

[taasiir=effect]

peshe me.n aib nahii.n, rakhiye na farhaad ko naam
ham hii aashuftaa-saro.n me.n vo javaa.N 'Meer' bhii thaa

ham the marane ko kha.De paas na aayaa na sahii
aaKhir us shauKh ke tarakash me.n ko_ii tiir bhii thaa

paka.De jaate hai.n farishto.n ke likhe par naahak
aadamii ko_ii hamaaraa dam-e-tahariir bhii thaa

[dam-e-tahariir=at the time of writing]

rekhtaa ke tumhii.n ustaad nahii.n ho "Ghalib"
kahate hai.n agale zamaane me.n ko_ii 'miir' bhii thaa
Page 1 of 11